İlham Əliyev 1961-ci il 24 dekabr tarixində Bakıda anadan olub.
Shimal.News məlumat verir ki, o, ilk təhsilini Bakıda alıb, 1977-ci ildə Moskva Dövlət Beynəlxalq Əlaqələr İnstitutunda oxumağa başlayıb. Daha sonra isə həmin institutun aspiranturasına daxil olub, 1985-ci ildə oranı bitirib.
İlham Əliyev 1994-2003-cü illərdə SOCAR-nin vitse-prezidenti, sonra isə birinci vitse-prezidenti vəzifəsində çalışıb. 1995-ci və 2000-ci illərdə o, Milli Məclisə üzv seçilib, 2001-2003-cü illərdə Avropa Şurası Parlament Assambleyasında Azərbaycan nümayəndə heyətinin rəhbəri olub. 2003-cü ildə Baş Nazir vəzifəsinə təyin edililb.
15 oktyabr 2003-cü ildə İlham Əliyev xalq tərəfindən Azərbaycan Respublikasının Prezidenti seçilib. O, 2008, 2013 və 2018-ci illərdə keçirilən seçkilərdə yenidən qələbə qazanıb.
Prezident İlham Əliyevin uğurlu fəaliyyəti nəticəsində Azərbaycanın hərbi, iqtisadi və siyasi gücü mühüm dərəcədə artıb. Nəticədə 2020-ci ildə Azərbaycan ordusu işğal altında olan torpaqlarımızı cəmi 44 gün ərzində erməni işğalından azad edib. Sonra onun Sərəncamı ilə “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” təsdiq edilib.
Shimal.News kollektivi adından Cənab Prezidenti doğum günü münasibəti ilə təbrik edirik.
