Azərbaycanda Milli Mətbuat Gününün yaradılması 22 iyul 1875-ci ildə Həsən bəy Zərdabi tərəfindən əsası qoyulan “Əkinçi” qəzetinin nəşr olunması ilə bağlıdır. 1991-ci ildən Azərbaycanda həmin gün, 22 İyul - Milli Mətbuat Günü kimi qeyd edilir.
Qubanın ilk qəzetlərindən olan “Əxbər” qəzeti 1921-ci ildən çap olunmağa başladı. Qəzet daha sonra “Yeni dirilik”, “Kollektivləşmə yolu”, “Şəfəq”, “Qızıl Quba”, “Quba” adlandırılıb. 1995-ci ildən başlayaraq, qəzet “Şəfəq” adı ilə nəşr olunur. Xaçmazın ilk qəzeti 1932-ci ildə partiya və sovet orqanı kimi “Qırmızı Xaçmaz” (indiki “Xaçmaz” qəzeti) adı ilə təsis edilmişdi. Qusarda qəzet ilk dəfə “Sosializm tempi” (indiki “Qusar, КцIар”) adı ilə Hil Rayon Komitəsinin və Rayon İcraiyyə Komitəsinin orqanı kimi 1932-ci ildə fəaliyyətə başlamışdır. İsmayıllıda isə “İsmayıllı xəbərləri” adlı qəzet 2008-ci ildən nəşr olunur.
2001-ci ildə ulu öndər Heydər Əliyevin sözlərindən: “Biz mətbuat haqqında bir neçə ciddi addım atmışıq: söz azadlığının, mətbuat azadlığının təmin olunması, senzuranın aradan qaldırılması, bütün mətbuat orqanlarına sərbəstlik verilməsi”.
İstinad edilən mənbələr:
