Bakıdan Qroznıya yola düşən və sonuncu dəfə təyyarədə olduğu bildirilən Mustafayev Faiq Əjdər oğlundan hələ də xəbər yoxdur.
Shimal.News xəbər verir ki, bu barədə M.Faiqin xalası oğlu Sultan Düniyev jurnalistlərə açıqlama verib.
Onun sözlərinə görə, sonuncu dəfə hava limanında əlaqə saxlanılıb. "Biz ailəliklə Faiqi yola salmışdıq. Təxminən 31-32 yaşında olan şəxsin vəziyyəti barədə isə indiyədək heç bir məlumat yoxdur," – deyə o bildirib.
Ailə üzvləri sosial şəbəkələr vasitəsilə də axtarış aparsalar da, nəticə əldə edə bilməyiblər. “Qaynar xəttə zəng etmişik və nömrəmizi də təqdim etmişik, amma hələ də bizə heç bir məlumat verilməyib,” – Sultan Düniyev qeyd edib.
