Xaçmaz rayonunda sel sularının uçurduğu körpünün yerinə yenisi tikilib. Bu haqda ShimalNews 23 dekabr tarixində “Report”-a istinadən məlumat verir.
Açılışda icra hakimiyyətinin və Azərbaycan Avtomobil Yolları Dövlət Agentliyinin əməkdaşları iştirak ediblər.
Bildirilib ki, körpünün mühafizə bəndlərinin və istinad divarlarının tikintisi davam etdiriləcək.
Respublika əhəmiyyətli Gəndob-Xaçmaz-Yalama-Rusiya ilə dövlət sərhədi avtomobil yolunun 27-ci km-də yerləşən ikiaşırımlı yeni körpü 97.000 əhalisi olan 98 yaşayış məntəqəsini rayon mərkəzi və ətraf ərazilərlə birləşdirir. Onun uzunluğu 66 metr, eni 15 metrdir.
Daha öncə - sentyabr ayında, hadisənin baş verdiyi vaxt ərazidən görüntüləri təqdim etmişdik.
