Xaçmaz şəhəri Üzeyir Hacıbəyov küçəsində yerin altından su çıxır. Bu barədə ShimalNews-a 12 aprel tarixində məlumat daxil olub.
Bir aydan çoxdur ki, adı çəkilən küçədə içməli su borusu zədələnib. Sakinlərin sözlərinə görə, borudan ilk əvvəl su sızırdı, lakin son vaxtlar su itkisinin miqdarı çoxalıb.
“Bir gün deyil, nə də bir həftə. Keçən ayın bu günlərində boru partlayıb. Lakin hələ də təmir edən yoxdur. Su da axa-axa gedir, israf olur” - deyə şəhər sakini bildirib.
