Xaçmazda inşa olunan yeni körpünün beton tirləri dayaqlar üzərinə montaj olunub. Bu haqda ShimalNews 13 noyabr tarixində “Azərtac”a istinadən məlumat verir.
22 ədəd tir çayın kənarlarında və məcrasındakı üç dayaq üzərində yerləşdirilib. İkiaşırımlı yeni körpünün uzunluğu 66, eni isə 15 metr olacaq. Bundan sonrakı mərhələdə tirlərin üzəri armaturla hörülərək betonlanacaq. Daha sonra asfaltlanma aparılacaq. İşlərin noyabrın sonuna kimi tamamlanması nəzərdə tutulub.
“Bayram və bazar günlərində də körpünün tikintisi davam etdirilir. Bu gün tirlərin hamısı yerinə qoyulacaq. Hazırda körpünün dayaqları üçün istinad divarlarının və mühafizə bəndlərinin tikintisi də davam edir ”, - deyə iş icraçısı Musayəddin Qurbanov söyləyib.
