Xudat-Xaçmaz yolunda polis əməkdaşının ölümü ilə nəticələnən qəza baş verib. Bu barədə ShimalNews 3 sentyabr tarixində məlumat verir.
Hadisə gecə saat 02:00 radələrində “Ulduz” istirahət mərkəzinin yaxınlığında qeydə alınıb. “Hyundai Accent” markalı minik avtomobili idarəetmədən çıxaraq ağaca çırpılıb. Maşının mühərrik hissəsi yerindən çıxıb.
İlkin məlumata görə, avtomobili idarə edən polis əməkdaşı olub. Sürücü yerindəcə dünyasını dəyişib. Avtomobilin digər şəxsə məxsus olduğu bildirilir.
