Xaçmaz rayonunun Nabran və Şirvanlı kəndləri arasındakı yolun dağılmış hissəsi təmir olunub. Bu haqda ShimalNews 9 aprel tarixində “Azərtac”a istinadən məlumat verir.
Yolun 66-67-ci kilometri uzun müddətdir yararsız vəziyyətdə idi. “4 saylı Yol İstismarı İdarəsi” MMC-nin əməkdaşları tərəfindən avtomobil yolu genişləndirilib. 1 kilometr boyu daş-çınqıl döşənib, 6 yerdə suötürücü borular yerləşdirilib.
İdarənin baş mühəndisi Cəlaləddin Musayev bildirib ki, Nabran kəndindən keçən yoldan Şirvanlı, Turist və Samurçay kəndlərinin sakinləri, həmçinin ərazidəki çoxsaylı turizm obyektlərində dincələn insanlar istifadə edirlər.
