Xaçmaz-Quba avtomobil yolunda zəncirvari qəza baş verib. Bu haqda ShimalNews 9 fevral tarixində “Apa”ya istinadən məlumat verir.
Yolun Ağyazı kəndindən keçən hissəsində "VAZ-21015” markalı nəqliyyat vasitəsi “VAZ-21014”, o isə çağırış yerinə gedən "UAZ" markalı təcili tibbi yardım avtomobilinə çarpılıb.
Nəticədə "VAZ-21014"-ün sürücüsü, 35 yaşlı Xaçmaz rayon sakini Azad Quliyev müxtəlif dərəcəli bədən xəsarətləri alıb. O, Rayon Xəstəxanasına yerləşdirilib.
Faktla bağlı araşdırma aparılır.
