Qusarda 5.000 nəfər əhalinin yaşadığı 7 yaşayış məntəqəsini birləşdirən Qusar ‒ Xudat ‒ Langi ‒ Caqarqışlaq ‒ Urvaoba ‒ Atlıxan ‒ Kuzunqışlaq ‒ Zindanmuruqqışlaq ‒ Avaranqışlaq avtomobil yolunun əsaslı təmirinə start verilib. Bu barədə ShimalNews 1 mart tarixində məlumat verir.
Yolların ümumi uzunluğu 23 km təşkil edir. Buranın 10 km-i yararsız asfalt, 13 km hissəsi isə torpaq əsasdan ibarətdir.
Yolların eni 10 metrə qədər genişləndiriləcək. Eləcə də layihə çərçivəsində Urvaoba kəndi ərazisində mövcud körpünün təmiri də nəzərdə tutulub.
Daha öncə Prezident İlham Əliyevin Sərəncamına əsasən, ərazidə görüləcək işlər üçün ilkin olaraq, Azərbaycan Avtomobil Yolları Dövlət Agentliyinə 1.2 milyon manat ayrılması haqda xəbər vermişdik.
