Qubada su xətti sahibkarlara icarəyə verildiyinə görə kəndlilərin bağları susuz qalıb. Bu haqda ShimalNews 29 fevral tarixində Real TV-yə istinadən məlumat verir.
Pirvahid kəndinin sakinləri bildirirlər ki, 1985-ci ildə burada 500 mm diametrlik qapalı şəbəkə çəkilib. Onlar və ətrafda yaşayanlar 2017-ci ilə qədər həmin xətdən istifadə ediblər. Sonra 2-ci Nügədi kəndindən olan Asim və Altay Zülbalayev qardaşları borunu məhkəmə qərarı ilə bağlatdırıblar.
Zülbalayevlərin nümayəndəsi Rəsul İsaqov səsləndirilən iddialarla qətiyyən razı olmadıqlarını bildirib:
“O turbadan həmin sahənin suvarılması üçün heç bir çıxış qoyulmayıb. O, Pirvahid yolundan aşağı sahələr üçün nəzərdə tutulub. Belə də ki, onların suyunu heç vaxt tam kəsməmişik. Onlara su verilir”.
Məsələ ilə bağlı Quba suvarılma sistemləri idarəsindən bildirildi ki, qapalı şəbəkə 1998-ci ildə 2-ci Nügədi bələdiyyəsinin balansına verilib. Bu səbəbdən onlar müdaxilə edə bilmirlər. 2-ci Nügədi bələdiyyəsinin sədri Alim Mütəllimov isə qeyd etdi ki, boru xətti bələdiyyənin balansına keçib, amma təhvil-təslim olmayıb. Üstəlik, boru Zülbalayevlər qardaşlarına icarəyə verilib.
[video width="1080" height="1080" mp4="https://shimal.news/storage/photos/2024/02/ShimalVideo1.mp4"][/video]
