Quba rayonunun Hacıqayıb kəndi ərazisindən keçən Qudyalçay çayında fəaliyyət göstərən daş karxanaları yerli sakinlərin narazılığına səbəb olub.
Shimal.News məlumat verir ki, sakinlərin iddialarına görə, çayın yatağı bəzi ərazilərdə süni şəkildə torpaq sahələrinə doğru yönləndirilir. Nəticədə çınqıl və digər tikinti materiallarının çıxarılması genişlənir, bu isə həm çayın təbii axarını pozur, həm də kəndlilərin torpaq sahələrinin azalmasına gətirib çıxarır.
Bildirilib ki, çay yatağının dərinləşməsi suvarma sisteminə də mənfi təsir göstərib. Bu səbəbdən təsərrüfat sahələrinə suyun verilməsində çətinliklər yaranıb.
Məsələ ilə bağlı Ekologiya və Təbii Sərvətlər Nazirliyinın Dövlət Ekoloji Təhlükəsizlik Xidmətindən bildirilib ki, əməkdaşlar artıq əraziyə baxış keçiriblər və səsləndirilən iddialar üzrə araşdırma aparılacaq.
Daha ətraflı "Xəzər Xəbər"in videosunda.
