Qubada ölümlə nəticələnən yol-nəqliyyat hadisəsi baş verib. Bu haqda ShimalNews 29 may tarixində məlumat verir.
Qəza mayın 28-i saat 22:00 radələrində Quba-Xaçmaz yolunun Zərdabi qəsəbəsi ərazisində qeydə alınıb. Rayon sakini İlham Dadaşov idarə etdiyi "Hunday" markalı avtomobillə idarəetməni itirərək yol kənarında olan çinar ağacına çarpılıb.
Həmin şəxs xəsarətlərlə Quba Rayon Mərkəzi Xəstəxanasına çatdırılıb. Onun həyatını xilas etmək mümkün olmayıb.
