Quba şəhərində 2 minik avtomobili toqquşub. Bu haqda ShimalNews 9 fevral tarixində məlumat verir.
Hadisə fevralın 8-də saat 23:00 radələrində Heydər Əliyev prospektində baş verib. “Kia” markalı avtomobil dönmə əməliyyatı edən “VAZ-2106” markalı avtomobilə çarpılıb.
“06”-nın sürücüsünün sözlərinə görə, qəzaya səbəb olan avtomobil hadisə yerindən uzaqlaşıb. Əraziyə DYP-nin əməkdaşları cəlb ediliblər.
Şahidlər bildirirlər ki, sükan arxasında yeniyetmə olub.
