Qubanın Timiryazev qəsəbəsinin yolları uzun illərdir ki, yararsızdır. Bu barədə ShimalNews 25 aprel tarixində məlumat verir.
Qəsəbənin daxili yolları çala içindədir, yol örtüyü isə dağılmış vəziyyətdədir. Sakinlər bildirirlər ki, qış və payız aylarında palçıq və gölməçələr mövcud halı daha da ağırlaşdırır.
“Bu yoldan hər gün uşağını bağçaya, xəstəsini diaqnostika mərkəzinə aparan, özü də işinə gedən bir çoxları istifadə edir. Piyada gedənlər toz-torpağın içində olur. Maşınlar isə tez-tez sıradan çıxır.”
2021-ci ildə bu mövzunu işıqlandırdığımız zaman RİH-dən bildirilmişdi ki, Timiryazev qəsəbəsinin və digər ərazilərin küçələrinin təmiri və abadlaşdırılması dövlət proqramına daxil edilib. Lakin məsələ hələ də həllini tapmayıb.
