Qırmızı Qəsəbədən Qusar istiqamətində hərəkət edən yük avtomobili dərəyə aşıb. Bu barədə ShimalNews 24 aprel tarixində məlumat verir.
Hadisə aprelin 23-ü, saat 9:00 radələrində Dağlı yolunda baş verib. Şahidlərin sözlərinə görə, “Kia” markalı avtomobil Qusar-Quba istiqamətində hərəkət edərkən ötmə əməliyyatı etmək istəyib. Qarşıdan gələn yük avtomobili toqquşmanın qarşısını almaq üçün çevik manevr edib. “Kia” isə ona ön yan hissəsi ilə çarpılıb.
Nəticədə hər iki avtomobilin daxilində olan şəxslər xəstəxanaya çatdırılıblar. Xəsarət alanlar var.
Qəza yerində olan sürücülər bildiriblər ki, yük avtomobilinin sürücüsü peşəkar olub. Ona görə ki, aşandan sonra qarşıda olan evlərə zərər vurmamaq üçün o, bir daha sükanı qaçırıb.
