Bakı-Quba-Rusiya ödənişli yolunda özünün və digər hərəkət iştirakçılarının həyatını təhlükəyə atan sürücü saxlanılıb. Bu haqda ShimalNews 12 fevral tarixində DİN-ə istinadən məlumat verir.
Xaçmaz rayon sakini Cavad Fərhadovun “VAZ 2121” markalı nəqliyyat vasitəsində birtərəfli müəyyən edilmiş istiqamətin əksinə hərəkət etməsi ilə bağlı yayılan videogörüntü Baş DYP İdarəsi tərəfindən araşdırılıb.
Müəyyən edilib ki, etibarnamə olmadan idarə etdiyi avtomobillə yüksək sürətlə hərəkət edən şəxs ağır faciənin məsuliyyətini dərk etmədən törətdiyi əməli tələsməyi ilə əlaqələndirib.
Kobud qayda pozuntularına yol verən sürücü barəsində qanunvericiliyə uyğun tədbirlər görülüb.
[video width="1920" height="1080" mp4="https://shimal.news/storage/photos/2024/02/Sequence-0212.mp4"][/video]
