Hazırda Muğanlı - İsmayıllı avtomobil yolunda tikinti işləri aparılır. Bu barədə ShimalNews 12 iyun tarixində “Qafqazinfo”ya istinadən məlumat verir.
DİN-nin Baş Dövlət Yol Polisi İdarəsi bununla bağlı avtomobillərin sıxlığının müşahidə edildiyini açıqlayıb.
“Sürücülərdən alternativ yollardan istifadə etməyi, mövcud vəziyyəti düzgün qiymətləndirməyi, tikinti işlərinin aparıldığı ərazidə hərəkət edərkən diqqətli olmağı, müvəqqəti nizamlama vasitələrinin tələblərinə ciddi əməl etməyi xahiş edirik”, - məlumatda vurğulanıb.
