İsmayıllının Bəhliyan kəndi 1987-ci ildən bu günə kimi rabitə xətti ilə təmin edilməyib. Bu haqda ShimalNews 3 avqust tarixində Xəzər TV-yə istinadən məlumat verir.
“Biz də istəyirik kənddə internet olsun. Ona görə ki, məktəbə gedən uşaqlar var, xəstəmiz var evdə, qocamız var. 2021-ci ildə müraciət elədik, bizə deyildi ki, 2022-ci ildə nəzərdə tutulub. 2022-ci il oldu 2023-cü il. 2023-cü ildə də hələ bir nəticəsi yoxdur. Nə telefon var, nə internet var, nə də set” - deyə sakin bildirib.
Məsələ ilə bağlı “Aztelekom” MMC bildirib ki, Rəqəmsal İnkişaf və Nəqliyyat Nazirliyi tərəfindən “Onlayn Azərbaycan” layihəsi çərçivəsində internet xətləri olmayan yaşayış massivlərinin bir hissəsinin internetlə təminatı istiqamətində işlər artıq başa çatdırılıb. Cari ilin 9 ayı ərzində ölkədə 600 minə yaxın ev təsərrüfatının geniş zolaqlı internetə çıxışı təmin olunub. Digər ərazilərə də yüksək sürətli internet xəttinin çəkilməsi mərhələli şəkildə davam etdirilir. Görülən işlərin 2024-cü ilin sonuna kimi yekunlaşacağı proqnozlaşdırılır.
[video width="1920" height="1080" mp4="https://shimal.news/storage/photos/2023/11/xezer-xeber.mp4"][/video]
