İsmayıllıda ağır avtomobil qəzası baş verib. Bu haqda məlumatı ShimalNews bu gün, 6 yanvar tarixində Apa-ya istinadən verir.
Qurbanəfəndi kəndində “Hyundai” markalı avtomobil idarəetmədən çıxaraq ağaca çarpılıb. Qəza nəticəsində 4 nəfər müxtəlif dərəcəli bədən xəsarətləri alıb.
Qəza zamanı Qurbanəfəndi kənd sakinləri – 57 yaşlı Nəcibə Alışanova, 64 yaşlı Eldar Osmanov, 21 yaşlı Amil Alışanov və daha bir nəfər müxtəlif dərəcəli bədən xəsarətləri ilə rayon Mərkəzi Xəstəxanasına çatdırılıblar. Xəsarət alanlardan birinin vəziyyətinin ağır olduğu bildirilir.
Faktla bağlı araşdırma aparılır.
