İsmayıllıda sakinlərin istifadə etdiyi yolda hərəkət məhdudlaşdırılıb. Bu haqda Shimal.news 12 aprel tarixində Xəzərxəbər.az-a istinadən xəbər verir.
Yeni yaradılan Qarabağ qəsəbəsində artıq 3 ilə yaxındır ki, 50-yə yaxın şəhid və qazi ailələri üçün mənzillər tikilərək təhvil verilib. Burada vətəndaşların qısa məsafədən gedib-gələ biləcəkləri yol olmayıb. Şəhər bələdiyyəsinə edilən kütləvi müraciətdən sonra oraya yol çəkilib.
İndi isə vətəndaşlar iddia edirlər ki, yol Qarabağ qəsəbəsinin Mənzil kommunal istismar sahəsinin rəhbəri tərəfindən əsassız səbəblərlə bağlanıb.
Məsələ ilə bağlı İsmayıllı RİH-dən bildirdilər ki, həmin yol bələdiyyənin balansındadır. Yolda həm piyadaların, həm də avtomobillərin hərəkətinin məhdudlaşdırılması ilə bağlı rəsmi olaraq aidiyyəti qurumlara məlumat verilib.
[video width="1280" height="720" mp4="https://shimal.news/storage/photos/2023/04/Ismayillida-sahid-va-qazi-ailalarinin-maskunlasdigi-yasayis-massivinin-yolunu-kasan-kimdir-.mp4"][/video]
