İsmayıllıda iki nəqliyyat vasitəsi toqquşub. Bu barədə ShimalNews 26 dekabr tarixində DİN-in mətbuat xidmətinə istinadən məlumat verir.
Hadisə ötən gün saat 16:00 radələrində Qurbanəfəndi kəndi ərazisində qeydə alınıb. Bakı şəhər sakinləri S.Hacıyev və Q.İsmayılovun müvafiq olaraq idarə etdikləri “Honda” və “BMW” markalı avtomobillər toqquşub.
“Honda” markalı nəqliyyat vasitəsində olan sərnişin N.Nağıyev və “BMW”-nin sürücüsü xəstəxanaya yerləşdirilsələr də, orada dünyalarını dəyişiblər.
Araşdırma aparılır.
