Nəqliyyat vasitəsinin istifadəçisi barədə məlumat verilməməsinə görə "Guba Agro" məhkəməyə verilib. Bu barədə ShimalNews 1 mart tarixində məlumat verir.
Müəssisəyə İnzibati Xətalar Məcəlləsinin 347-ci maddəsi ilə protokol irəli sürülüb. İş Bakı Şəhər Nərimanov Rayon Məhkəməsində hakim Vüsal Qurbanovun icraatındadır.
İnzibati Xətalar Məcəlləsinin 347-ci maddəsinə görə, hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər 150 manat məbləğində, hüquqi şəxslər 300 manat məbləğində cərimə edilir.
