Bakı-Quba avtomobil yolunun 38-ci kilometrliyində yol-nəqliyyat hadisəsi baş verib. Hadisə həmin ərazidə avtomobil sıxlığına səbəb olub. Bu barədə ShimalNews 24 fevral tarixində məlumat verir.
“VAZ” markalı minik avtomobili idarəetməni itirərək yol kənarına aşıb. Nəticədə 1 nəfər avtomobildə sıxılmış vəziyyətdə qalıb.
Əraziyə Fövqəladə Hallar Nazirliyinin xilasedici qüvvələri cəlb olunub. Avtomobildən çıxarılan şəxs müxtəlif xəsarətlərlə təcili tibbi yardım briqadasına təhvil verilib.
