Əlverişsiz hava şəraiti ilə bağlı Daxili İşlər Nazirliyinin Baş Dövlət Yol Polisi İdarəsi hərəkət iştirakçılarına müraciət edib.
Shimal.News məlumat verir ki, sürücülərə yola çıxarkən ehtiyatlı olmaq, yol hərəkəti qaydalarına ciddi riayət etmək, sürət həddini hava şəraitinə uyğun seçmək, külək tutan açıq ərazilərdə ehtiyatlı olmaq, yağışlı havada daha çox ara məsafəsi saxlamaq, qəfil manevr və ya kəskin əyləcləmə etməkdən çəkinmək tövsiyə edilib.
Eləcə də qeyri-sabit hava şəraitinin yarada biləcəyi çətinlikləri nəzərə alaraq, piyadalar da məsuliyyətli olmağa dəvət olunublar.
