İsmayıllı şəhəri tərəfindən Fransaya hədiyyə edilən Xurşidbanu Natəvanın heykəli yenidən ucaldılıb. Bu haqda ShimalNews 11 may tarixində xəbər verir.
Abidə Azərbaycan Səfirliyinin Mədəniyyət Mərkəzinin həyətində yerləşdirilib. Açılışda Fransada yaşayan azərbaycanlı opera müğənnisi Timur Abdikeyev “Sevgili canan” romansını ifa edib.
Azərbaycanın Fransa və Monakoda fövqəladə və səlahiyyətli səfiri Leyla Abdullayeva iştirakçılara tarixi məlumat verib. Heykəlin ulu öndər Heydər Əliyevin anadan olmasının 101-ci ildönümü çərçivəsində tarixi gündə yenidən ucaldılmasının rəmzi əhəmiyyəti olduğunu bildirib.
Daha öncə İsmayıllı və Evian-Le-Ba şəhərləri arasında Dostluq və Əməkdaşlıq Xartiyasının qüvvədən düşməsi barədə məlumat vermişdik.
