Xızının Tıxlı kəndi ərazisində baş verən yanğının sahəsi açıqlanıb. Bu barədə ShimalNews 10 iyul tarixində Bizim.Media-ya istinadən məlumat verir.
Xızı rayon İcra Hakimiyyətinin şöbə müdiri Ceyhun İskəndərov 55 hektar meşə, 5 hektar biçilmiş əkin sahəsi yandığını deyib.
Şabran Regional Meşə Təsərrüfatı Mərkəzinin direktoru Elbrus Əliyev isə meşə təsərrüfatına məxsus Qarabulaq meşəbəyliyində 5 hektar meşənin yandığını deyib:
“Bu, dəqiq aparatla ölçülüb və heç bir yanlışlıq ola bilməz. Yanan 55 hektar sahə isə bələdiyyə torpaqlarıdır”.
Yanğının qəsdən yandırılıb-yandırılmadığı barədə FHN-nin İstintaq İdarəsi araşdırma aparır.
