Xaçmazda 28 yaşlı Xudat sakini üç ay əvvəl itin hücumuna məruz qalıb.
Shimal.News-a daxil olan məlumata görə, Ehtiram adlı gənc sahibsiz itin hücumuna məruz qalan qadın və uşağını xilas edib. Bu zaman it gəncə də xəsarət yetirib.
İlkin məlumata görə, Ehtiram aldığı xəsarətə ciddi yanaşmayıb. Təxminən 10 gün əvvəl onda quduzluğun ağır simptomları yaranıb və gənc xəstəxanaya yerləşdirilib.
Həkimlərin səylərinə baxmayaraq, onun həyatını xilas etmək mümkün olmayıb. Ehtiram vəfat edib və dəfn olunub.
