Xaçmaz şəhərində yerləşən avtomobil təmiri sexinin 22 il öncə atdığı addım bu gün də maraqla qarşılanır. Bu haqda ShimalNews 12 aprel tarixində “Azərtac”a istinadən məlumat verir.
Rəşid Behbudov küçəsində köhnə “Zaporojets” markalı avtomobil dayaqlar üzərinə qaldırılıb. Bu avtoservisinin reklamı üçün istifadə olunub. Sexin sahibi 2002-ci ildə onu o dövrün 300.000 manatı, yəni bu gün 60 manat təşkil edən məbləğə almışdı.
“Zapı” dayaqlar üzərinə qaldırılan zaman işlək vəziyyətdə olub. Amma çəkisi yüngül olsun deyə motoru və digər ehtiyat hissələri çıxarılıb. Maşın dəmir konstruksiyaya qaynaq vasitəsilə bərkidilib və təhlükəsizlik qaydaları nəzərə alınıb.
