Lokal xarakterli antiterror tədbirləri zamanı yaralanan hərbi qulluqçularımız Xaçmazda ziyarət olunublar. Bu haqda ShimalNews 30 dekabr tarixində məlumat verir.
İcra başçısı Elnur Rzayev Xaçmaz şəhər sakini Nəsimi Mahmudovu və Uzunoba kənd sakini Fərid Məmmədovu yaşadıqları evlərində ziyarət edib. Qazilərimiz və onların ailə üzvləri 31 Dekabr - Dünya Azərbaycanlılarının Həmrəyliyi Günü və Yeni il bayramı münasibətilə təbrik edilib, onların səhhəti və qayğıları ilə maraqlanılıb.
Nəsimi Mahmudov lokal xarakterli antiterror tədbirlərdə əsgər, Fərid Məmmədov isə müddətdən artıq həqiqi hərbi xidmət hərbi qulluqçusu kimi iştirak edib. Fərid Məmmədov 44 günlük Vətən müharibəsinin də iştirakçısı olub. O, döyüşlərdə göstərdiyi şücaətə görə Azərbaycan Respublikasının Prezidenti İlham Əliyevin sərəncamları ilə "Azərbaycan Bayrağı" ordeni, “Suqovuşanın azad olunmasına görə” və "Vətən müharibəsi iştirakçısı" medalları ilə təltif olunub.
