Xaçmaz rayonunda ağır yol qəzasının baş verməsi barədə yalan məlumat yayılıb. Bu barədə ShimalNews 3 yanvar tarixində məlumat verir.
Dünən axşam saatlarında polisə, FHN-ə və təcili tibbi yardıma müraciət olunub. Bildirilib ki, Hacıhüseynli kəndi ərazisində minik avtomobili yük maşınına çarpılıb. Qəzada xəsarət alan şəxslərin olduğu bildirilib.
Əraziyə operativ qruplar cəlb edilib. Yoxlamalar zamanı hər hansı qəzanın baş verməməsi, daxil olan məlumatın həqiqəti əks etdirməməsi məlum olub.
Hazırda dövlət qurumlarına yalan məlumat verən şəxsin kimliyinin müəyyənləşdirilməsi və məsuliyyətə cəlb edilməsi istiqamətində iş aparılır.
