Heydər Əliyev adına Xaçmaz rayon Mədəniyyət Mərkəzində Xocalı faciəsinin 32-ci ildönümü yad edilib. Bu haqda ShimalNews 26 fevral tarixində məlumat verir.
“Xocalı - faciədən doğan intiqam” adlı tədbirdə şəhid ailələri, qazilər, icra hakimiyyətinin başçısı Elnur Rzayev, yerli hüquq mühafizə orqanlarının rəhbərləri və ictimaiyyət nümayəndələri iştirak ediblər.
Anım tədbirində 1 dəqiqəlik sükut olub. Sonra qanlı hadisəni əks etdirən rəsm əsərləri sərgilənib. Tədbirin bədii hissəsində mədəniyyət işçilərinin və məktəblilərin ifasında Xocalı faciəsinə həsr olunmuş şeirlər səslənib, vətənpərvər mahnılar ifa edilib. Ədəbi-bədii kompozisiya nümayiş etdirilib. Şanlı Zəfərimizi özündə əks etdirən videoçarxlar təqdim olunub.
