Xaçmaz Rayon İcra Hakimiyyətinin başçısı Elnur Rzayev şəhid Ağami Əlişanovun anası Dilbər Əhmədovanı ziyarət edib. Bu haqda ShimalNews 28 dekabr tarixində xəbər verir.
Şəhidimizin anası bayram münasibətilə təbrik edilib, onun qayğıları ilə maraqlanılıb. Dilbər xanım göstərilən yüksək diqqət və qayğıya görə Azərbaycan Respublikasının Prezidenti İlham Əliyev və Birinci vitse-prezident Mehriban Əliyevaya minnətdarlığını ifadə edib.
Qaradağlı kənd sakini Ağami Əlişanov 2023-cü ilin 19-20 sentyabrda Qarabağ iqtisadi rayonunda keçirilən lokal xarakterli antiterror tədbirləri zamanı şəhadətə yüksəlib. O, ölümündən sonra 3-cü dərəcəli “Vətənə xidmətə görə” ordeni və “Vətən uğrunda “ medalı ilə təltif olunub.
