Xaçmazın icra başçısı Elnur Rzayev və Quba-Xaçmaz Regional Təhsil İdarəsinin müdiri Çoşqun Əliyev İstisu qəsəbə tam orta məktəb binasına baxış keçiriblər. Bu barədə ShimalNews 24 yanvar tarixində məlumat verir.
Daha öncə məktəbin qəzalı vəziyyətdə olması haqqında məlumat vermişdik. Eləcə də bununla bağlı sosial şəbəkələrdə videogörüntülər yayılmışdır.
Mövcud bina 1939-cu ildə istifadəyə verilib və hazırda yararsız vəziyyətdədir. Yaxın vaxtlarda qəsəbədə yeni məktəb binası inşa olunacaq. Bu müddət ərzində şagirdlər öz təhsilllərini Xudat şəhər 4 saylı tam orta məktəbində davam etdirəcəklər. Onlar üçün xüsusi nəqliyyat vasitələri ayrılacaq.
