Xaçmazda “Təmiz ətraf mühit, sağlam gələcək” mövzusunda gənclərlə görüş keçirilib. Bu haqda ShimalNews 21 fevral tarixində məlumat verir.
Peşə Liseyində keçirilən görüşdə Xaçmaz RİH-nin əməkdaşı Tariyel Didarov, Quba - Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun müdiri Elman Məmmədov, Ekologiya və Təbii Sərvətlər Nazirliyinin 5 saylı Regional İdarəsinin aparıcı məsləhətçisi Sabir Qurbanov, Xaçmaz Peşə Liseyinin əməkdaşı Ülkər Nəsrullayeva və gənclər iştirak ediblər.
Gənclərlə mövzu ətrafında, eləcə də gələcəkdə keçiriləcək maarifləndirici tədbirlər, təlimlər və ekoaksiyalar haqqında müzakirələr aparılıb.Sonda videoçarx nümayiş olunub.
