Xaçmaz rayonunda şəhid analarının və həyat yoldaşlarının iştirakı ilə 8 Mart - Beynəlxalq Qadınlar Gününə həsr olunan tədbir keçirilib. Bu haqda ShimalNews 7 mart tarixində məlumat verir.
Tədbir iştirakçıları mədəniyyət işçilərinin və məktəblilərin Azərbaycan qadını mövzusunda çəkdikləri rəsm əsərləri ilə tanış olublar. Sonra mövzuya aid videoçarx nümayiş etdirilib.
Sonra qadınlarımızın öz iradəsi, mərdliyi, saflığı, sədaqəti ilə cəmiyyətimizin həyatında, milli-mənəvi dəyərlərimizin formalaşmasında mühüm rolundan danışılıb. Tədbirdə rayonun ictimai, siyasi və mədəni həyatında fəallığı ilə seçilən qadınlar fəxri fərmanlarla təltif ediliblər.
Xaçmazda 8 Mart - Beynəlxalq Qadınlar Günü qeyd edilib
Sonda yerli mədəniyyət işçiləri tərəfindən hazırlanan geniş konsert proqramı baş tutub.
