Xaçmaz rayonunda “Yer Günü” ilə əlaqədar maarifləndirici tədbir keçirilib. Bu haqda ShimalNews 23 aprel tarixində məlumat verir.
Görüş Regional Ekologiya və Təbii Sərvətlər İdarələrinin əməkdaşları tərəfindən 8 saylı məktəb-liseydə təşkil edilib.
Ətraf mühitin sağlamlaşdırılması, yaşıllıqların bərpası və artırılması, canlı aləmin qorunub saxlanılmasının zəruriliyi, tullantıların əmələ gəlmə prosesində ətraf mühitin qorunması barədə şagirdlərə ətraflı məlumatlar verilib.
Sonra məktəbin həyətyanı sahəsində müxtəlif növ ağac tingləri əkilib.
