Xaçmaz rayonunda yaz əkinlərini aparmaqda çətinliklər yaşanır. Buna səbəb Şimal bölgəsində yaşanan su problemləridir. Bu haqda ShimalNews 21 aprel tarixində Bizim.media-ya istinadən məlumat verir.
Məsələ ilə bağlı Samur-Abşeron Kanalı İstismar idarəsinin sahə rəisi Aydın Koroğluyev bildirib ki, suvarma suyu verilmədiyindən kanal quruyub.
“Bakıya gedən Taxtakörpü-Ceyranbatan su kanalında suyun səviyyəsi aşağı düşdüyündən Samur-Abşeron kanalından Xanarxı kanalına suyun verilməsi dayandırılıb. Hazırda problemdən çıxış yolları axtarılır. Güman edirəm ki, yaxın günlərdə kanala su veriləcək”, - Qusar Suvarma Sistemləri İdarəsinin rəisi Məzahir Əzizov bildirib.
Qusar, Xaçmaz, Şabran rayonlarını suvarma suyu ilə təmin edən Xanarxı kanalı 2000-ci illərdə inşa edilib.
