Xaçmaz Gömrük İdarəsində xarici ticarət iştirakçıları ilə növbəti görüş keçirilib. Bu barədə ShimalNews 23 fevral tarixində məlumat verir.
Tədbirdə sahibkarlar gömrük sistemində həyata keçirilən təkmilləşdirmələr və yeniliklərlə bağlı məlumatlandırılıblar. Eləcə də idxal və ixrac əməliyyatlarında qarşıya çıxan məsələlərin birgə müzakirəsi aparılıb.
Görüşdə Gömrük Xidmətinin Fəaliyyət Proqramı, strateji hədəfləri, Avtomatlaşdırılmış Risk Analiz Sistemi (ARAS) və digər layihələrlə bağlı sahibkarlara məlumat verilib, yeni layihələrin gömrük işinin təşkili, biznes proseslərinin asanlaşdırılması baxımından faydalarından bəhs edilib.
Sonda sahibkarların rəy və təklifləri öyrənilib, onların sualları cavablandırılıb.
