Qida Təhlükəsizliyi Agentliyi quş qripi xəstəliyinə qarşı monitorinqlər keçirir. Bu barədə ShimalNews 13 iyun tarixində məlumat verir.
Xəstəlik törədicisinin aşkar edilməsi məqsədilə Ekologiya və Təbii Sərvətlər Nazirliyinin əməkdaşları tədbirlər görüblər. Xaçmaz rayonunda quşçuluq müəssisələrində laboratoriya müayinəsi üçün qan nümunələri götürülüb. Həmçinin quş damlarına ümumi baxış keçirilib və epizootoloji məlumatlar toplanıb.
Çöl və ev quşlarından götürülmüş nümunələr Qida Təhlükəsizliyi İnstitutunun Mərkəzi Baytarlıq Laboratoriyasında müayinə edilib. Nəticədə xəstəlik törədicisinə və şübhəli klinik əlamətləri olan canlılara rast gəlinməyib.
