Xaçmazda fənn olimpiadalarının final mərhələsinə hazırlıq üçün dəyirmi masa təşkil olunub. Bu barədə ShimalNews 19 fevral tarixində məlumat verir.
Görüşdə Quba-Xaçmaz Regional Təhsil İdarəsinin Tədrisin keyfiyyəti sektorunun müdiri Qələmşah Dostuyev, Xaçmaz rayonu üzrə təhsil sektorunun müdiri səlahiyyətlərini icra edən Fikrət Heybətov və məktəb direktorları iştirak ediblər.
Tədbirdə Respublika fənn müsabiqələri və Lütfi Zadə adına məntiq olimpiadasına qeydiyyat, həmçinin iştirak məsələləri, buraxılış imtahanları, qrant müsabiqələrinə layihələrin yazılması mövzuları barəsində danışılıb, tədrisin keyfiyyəti ilə bağlı digər məsələlər müzakirə olunub.
