Əmək və əhalinin sosial müdafiəsi naziri Sahil Babayev Xaçmaz rayonunda vətəndaşları qəbul edəcək. Bu haqda ShimalNews 17 yanvar tarixində məlumat verir.
Qəbul yanvarın 26-da baş tutacaq. Xaçmaz və Quba rayonlarından iştirak etmək istəyən şəxslər 17-19 yanvar tarixlərində nazirliyə rəsmi şəkildə ([email protected] elektron ünvanı və ya poçt vasitəsilə) müraciət etməli və ya 142 – Çağrı Mərkəzi ilə əlaqə saxlamalıdırlar.
Vətəndaşlar nazirliyin səlahiyyət dairəsinə aid məsələlərlə bağlı müraciət edə bilərlər. Onlar əvvəlcədən tərtib edilmiş siyahı üzrə qəbul ediləcəklər.
