Quba-Xaçmaz Regional Təhsil İdarəsinin müdiri Coşqun Əliyev şagirdlər və onların elmi rəhbərləri ilə görüşüb. Bu haqda ShimalNews 13 fevral tarixində xəbər verir.
Xaçmaz şəhəri Akademik Zərifə Əliyeva adına 8 nömrəli məktəb-liseyin 11-ci sinif şagirdi Nigar Əliyevanın "Ekologiya və ətraf mühitin idarə olunması", Şabran şəhəri Roman Yusifov adına 2 nömrəli texniki təmayüllü tam orta məktəb-liseyin 9-cu sinif şagirdi Mehdi Babayevin "Tibb və sağlamlıq" mövzularında layihələri müsabiqədə uğur qazanıb.
Məktəblilər "Sabahın alimləri" XIII Respublika Müsabiqəsi çərçivəsində təşkil olunacaq sərgidə iştirak edəcəklər. Onlar layihələrinin təqdimatını keçiriblər. Coşqun Əliyev şagirdlərə uğurlar arzulayaraq, onların elmi rəhbərlərinə uşaqlara göstərdikləri dəstəyə görə təşəkkürünü bildirib.
