Xaçmaz Rayon İcra Hakimiyyətində vətəndaşlar müraciətlərini birbaşa ünvanlayıblar. Bu barədə ShimalNews 14 mart tarixində məlumat verir.
Görüşdə icra başçısı Elnur Rzayev, idarə, müəssisə və təşkilatların rəhbərləri, eləcə də yerli icra və bələdiyyə nümayəndələri iştirak ediblər. Onlar sakinlərin müraciət və təkliflərini dinləyiblər.
Əsas mövzular işlə təmin olunma, torpaq sahəsinin ayrılması və digər sosial müdafiə məsələləri ilə bağlı olub. Bir neçə vətəndaş əvvəlki fərdi qəbullarda etdikləri bəzi müraciətlərin həlli ilə bağlı görülən işlərə görə təşəkkürlərini bildiriblər.
Şikayət və təkliflərlə bağlı icra başçısı məsul şəxslərlə müzakirələr aparıb və qaldırılan məsələlərin nəzarətə götürülməsi barədə tapşırıqlar verib.
