Xaçmaz Rayon İcra Hakimiyyətinin başçısı sakinlərlə Köhnə Xudat kəndində görüş keçirib. Bu haqda ShimalNews 20 fevral tarixində məlumat verir.
Elnur Rzayevlə birgə qəbulda yerli hüquq mühafizə orqanlarının, təhsil, səhiyyə, mədəniyyət və xidmət təşkilatlarının rəhbərləri, eləcə də Köhnə Xudat İnzibati Ərazi Dairəsi üzrə nümayəndəliyə daxil olan Aşağı Ləgər, Seyidlər, Digahoba, İdrisoba və Fərzəlioba kəndlərinin sakinləri iştirak ediblər.
Sakinlər elektrik təsərrüfatının yenilənməsi, qaz təchizatının bərpası, yolların təmiri, torpaq sahələrinin sənədləşdirilməsi və digər müraciətlər səsləndiriblər. Rayon başçısı problemlərin aradan qaldırılması istiqamətində müvafiq tapşırıqlarını verib. Bir çox müraciətlər yerindəcə həll edilib.
