İcra Hakimiyyətinin başçısı Elnur Rzayev Əhmədoba kəndində sakinlərlə görüşüb. Bu barədə ShimalNews 12 mart tarixində məlumat verir.
Tədbirdə Hacıəhmədoba, Hacıqazma və Qaracəlli kəndlərinin sakinləri də iştirak ediblər.
Rəsmilər, ilk növbədə, şəhid İsmət Rəsulovun büstü öününə gül dəstələri düzüb, şəhidlərimizin əziz xatirəsini ehtiramla yad ediblər.
Daha sonra fərdi qaydada müraciət və təkliflər dinlənilib. Sakinlər kəndlərarası yolun təmiri, su ilə təchizatın yaxşılaşdırlması, ərazidə uşaq bağçası-körpələr evinin açılması və digər sosial məsələlərlə bağlı müraciətlər səsləndiriblər.
