Xaçmaz Rayon İcra Hakimiyyətinin başçısı Elnur Rzayev səyyar qəbul keçirib. Bu barədə ShimalNews 16 fevral tarixində məlumat verir.
Görüş Hülövlü kəndində yerli hüquq mühafizə orqanlarının rəhbərləri, təhsil, səhiyyə, mədəniyyət və digər xidmət təşkilatlarının məsul şəxslərinin iştirakı ilə baş tutub.
Hülövlü kənd İnzibati Ərazi Dairəsi üzrə nümayəndəliyə daxil olan Hülövlü, Bəyqışlaq, Canaxır, Qaradağ Buduq, Qaradağlı, Qobuqıraq, Mehrəliqışlaq, Mürsəliqışlaq, Rəhimoba və Ustacəlilli kəndlərinin sakinləri müraciət və təkliflərini səsləndiriblər.
Onlar su təchizatının yaxşılaşdırılması, elektrik təsərrüfatının yenilənməsi, daxili yolların təmiri və digər sosial məsələləri qaldırıblar.
İcra başçısı sakinləri narahat edən məsələlərin həlli istiqamətində müvafiq tapşırıqlarını verib. Bəzi müraciətlər yerində həll edilib.
