Xaçmaz rayonunun icra başçısı Elnur Rzayev İstisu qəsəbəsində sakinləri qəbul edib. Bu barədə ShimalNews 2 iyun tarixində RİH-yə istinadən məlumat verir.
Burada yerli hüquq-mühafizə orqanlarının və xidmət təşkilatlarının rəhbərləri iştirak ediblər. Görüş İstisu qəsəbəsi və Vələmir kəndinin sakinləri ilə keçirilib.
Onlar yeni salınan yaşayış massivinin qazlaşdırılması, elektrik təsərrüfatının yenilənməsi, suvarma suyuna olan tələbatın ödənilməsi ilə bağlı və bir neçə fərdi müraciət səsləndiriblər.
İcra başçısı vətəndaşları narahat edən məsələlərin həlli istiqamətində müvafiq tapşırıqlarını verib. Bəzi müraciətlər yerindəcə həll edilib.
