Xaçmaz şəhərində rəqəmsal inkişaf və nəqliyyat naziri Rəşad Nəbiyev sakinlərin qəbulunu keçirib. Bu haqda ShimalNews 9 fevral tarixində məlumat verir.
Görüşə gələn Quba, Qusar və Xaçmaz rayonlarının sakinləri nəqliyyat, telekommunikasiya, o cümlədən internet, teleradio yayımı və poçt xidmətləri ilə bağlı müraciətlər səsləndiriblər.
Vətəndaşların qaldırdıqları məsələlərin bir qismi dərhal müsbət həllini tapıb, nazirliyin fəaliyyət sahələrinə aid olmayan məsələlərlə bağlı müraciətlər isə qeydiyyata alınıb və müvafiq qurumlara göndərilməsi təmin olunacaq.
