Yüksək patogen quş qripi xəstəliyindən qorunmaq məqsədilə Xaçmazda yoxlamalar aparılıb. Bu barədə ShimalNews 1 mart tarixində məlumat verir.
Azərbaycan Respublikasının Qida Təhlükəsizliyi Agentliyi respublika ərazisində quş qripi xəstəliyinə qarşı 12-16 fevral tarixlərində keçirilmiş epizootoloji monitorinqlərin nəticələrini açıqlayıb.
Xaçmaz rayonunda saxlanılan ev quşundan laborator müayinə üçün qan və yaxma nümunələri götürülüb, təsərrüfatlara ümumi baxış keçirilib və epizootoloji məlumatlar toplanıb.
Təhlil nəticəsində quş qripi xəstəliyinin törədicisinə və xəstəliyə şübhəli klinik əlamətləri olan quşa rast gəlinməyib. Ev quşlarından götürülmüş diaqnostik nümunələr Nyukasl xəstəliyinə görə də müayinə edilib və yoluxmaya şübhəli hal qeydə alınmayıb.
